Çempionşipdə pley-off sistemi dəyişir

İngiltərə futbol liqası (EFL) 2026-2027-ci illər mövsümündən etibarən çempionşipdə pley-off formatının dəyişdirilməsini rəsmən təsdiqləyib.

Allsport.az xəbər verir ki, yeni qərara əsasən, premyer liqaya vəsiqə uğrunda mübarizə aparan komandaların sayı 4-dən 6-ya çatdırılacaq. Yeni sistemə görə, turnir cədvəlini 3 və 4-cü yerlərdə bitirənlər birbaşa yarımfinala yüksələcək, 5-8-ci yerlərin sahibləri isə dörddəbir final mərhələsində qarşılaşacaqlar.

EFL-in icraçı direktoru Trevor Berç bu addımın çempionatda rəqabəti son tura qədər artıracağını bildirib.