Draqan Çeran 20-yə çatdı

Zaqatalanın “Simurq” klubunun futbolçusu Draqan Çeran Topaz Premyer Liqasının 21-ci turunun “Qəbələ” ilə oyununda rəqib qapısına 2 dəfə yol tapmaqla Azərbaycan çempionatlarındakı qol hesabını 20-yə çatdırıb. Allsport.az xəbər verir ki, onun penaltidən vurduğu ikinci top yubiley xarakteri daşıyıb.

28 yaşlı serbiyalı hücumçu “Simurq”un tarixində milli çempionatlarda 20 və daha çox qol vuran 2-ci oyunçu olub. Çeran bu göstəricidə yalnız ukraynalı Vladimir Mazyardan geri qalır. Ötəm mövsüm 31 qarşılaşmada 11 dəfə fərqlənən balkanlı cari çempionatın 15 matçında 9 qolun sevincini yaşayıb.