Elçin İsmayılovlu gənc cüdoçularımız Avropa kubokunda daha 2 medal qazanıb

Rusiyanın Sankt-Peterburq şəhərində gənc cüdoçuların Avropa kubokuna yekun vurulub. Allsport.az saytı xəbər verir ki, son gündə millimiz daha 2 medal qazanıb.

Murad Fətiyev (81 kq) və Gültac Məmmədəliyeva (52 kq) 3-cü yer tutublar. Beləliklə, Elçin İsmayılovun baş məşqçi olduğu yığmamız cəmdə 1 qızıl, 3 gümüş və 3 bürünc medala yiyələnib.