Flik Qvardiolanın uğurunu təkrarladı

İspaniya la liqasının 29-cu turu çərçivəsində keçirilən matçda “Barselona” öz meydanında “Rayo Valyekano”nu 1:0 hesabı ilə məğlub edib.

Allsport.az xəbər verir ki, bu qələbə Kataloniya təmsilçisi üçün doğma meydanda ardıcıl 15-ci olub.

Bununla da “Barsa” XXI əsrdə öz meydanında qeydə alınan ən uzun qələbə sıralaması rekordunu təkrarlayıb. Analoji göstərici sonuncu dəfə 2010–2011-ci illərdə, komandaya Pep Qvardiola rəhbərlik etdiyi dövrdə qeydə alınmışdı.

Hazırda turnir cədvəlində liderliyini davam etdirən “Barselona” növbəti ev oyununda qələbə qazanacağı təqdirdə XXI əsrin yeni rekorduna imza atacaq.