Gənclər arasında Bakı birinciliyinə yekun vurulub

12-13 yanvarda Azərbaycan cüdo federasiyası və Bakı şəhər gənclər və idman baş idarəsinin birgə təşkilatçılığı ilə cüdo gənclər arasında Bakı birinciliyi keçirilib. Allsport.az saytı xəbər verir ki, Hövsan qəsəbəsində yerləşən fövqəladə hallar nazirliyinin “Xilasedici” idman-sağlamlıq mərkəzində 16 çəkidə qaliblər bəlli olub.

İki gün davam edən yarışda paytaxtın 30 müxtəlif klublarından, cəmiyyətlərindən və idman təşkilatlarından ümumilikdə 166 idmançı arasında qaliblər müəyyənləşib.

Yarışın əsas məqsədi müvafiq yaş qrupu üzrə 22-24 fevralda keçiriləcək Azərbaycan birinciliyinə namizədlərin seçimini etmək və eyni zamanda gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır.