İki boksçumuz mərhələ adlayıb

Dubayda kişi boksçular arasında dünya çempionatı davam edir. Allsport.az xəbər verir ki, mundialın ikinci günündə Azərbaycanın daha 2 idmançısı mübarizəyə qoşulub.

Avropa çempionumuz Sübhan Məhəmmədov (48 kq) debütdə Joey Kanoyla (Filippin) qarşılaşıb. Boksçumuz üçüncü raundda rəqibinə tam üstünlüklə qalib gəlib. Məhəmmədov 1/8 finalda ilk mərhələdən azad olan Mehran Şəfiyevlə (Tacikistan) döyüşəcək.

Zaur Qəhrəmanov (67 kq) da startda qələbə qazanıb. O, Şeyx Sarrı (Qambiya) ilk raundda məğlub edib. Boksçumuz 1/8 finalda Tomas Kasazzanı (Argentina) sınağa çəkəcək.

Dünya çempionatına dekabrın 13-də yekun vurulacaq.