Karateçimiz qrupda qaldı

Tokio oyunlarında karateçilər mücadiləyə qoşulublar. Allsport.az saytı xəbər verir ki, “A” qrupunda Firdovsi Fərzəliyev (67 kq) uğursuz çıxış edib. O, ilk görüşdə Əray Şamdana (Türkiyə) 1:7 uduzub. 2-ci qarşılaşmada yaponiyalı Naoto Saqoya 1:0 qalib gəlib.

Ardınca qrupun lideri Darxan Assadılova (Qazaxıstan) 2:6 hesabı ilə uduzan idmançımız, yarımfinal fürsətini çətinə salıb. Firdovsi misirli autsayder Əli Əlsaviyə 0:1 yenilərək, qrupda 5-ci yeri tutub.