Yelena Şabovta: Rusiya KİV-lərində yazılanlar tamamilə yalandır

Millimizin və “Azərreyl” klubunun keçmiş voleybolçusu Yelena Şabovta Ukraynaya dəstək olub. Allsport.az saytı xəbər verir ki, ünlü idmançı öz Feysbuk səhifəsində bunu yazıb:

“Mən ukraynalıyam və orada baş verənlər haqda həqiqi informasiyaya malikəm. Orada mənim qohumlarım və uşaqlıq dostlarım yaşayır. Onların hamısı əsasən Ukraynanın şimal bölgəsindəndirlər.

Mənim qohumlarım Ukrayna ordusunun sıralarındadırlar. Onlar nasist deyillər və sona qədər güclü Rusiya ordusuna qarşı savaşırlar. Qüvvələr nisbəti bərabər deyil. Bunu hamı bilir. Rusiya KİV-lərində yazılanlar tamamilə yalandır”.