Meyvezer milyardlıq rekordla zirvədə

Beş müxtəlif çəki dərəcəsində keçmiş dünya çempionu, amerikalı Floyd Meyvezer nüfuzlu “Sportico” portalının versiyasına görə boks tarixinin ən çox qazanan idmançısı seçilib.

Allsport.az xəbər verir ki, 49 yaşlı əfsanəvi boksçunun karyerası boyu əldə etdiyi gəlir inflyasiya nəzərə alınmaqla 1,57 milyard dollar təşkil edir. Meyvezer bu göstərici ilə digər rəqiblərini böyük fərqlə qabaqlamağı bacarıb. Siyahının ikinci pilləsində boks dünyasının “dəmir” adamı Mayk Tayson, üçüncü yerdə isə meksikalı ulduz Sauly “Kanelo” Alvares qərarlaşıb.

“Sportico”nun versiyasına görə boks tarixinin ən çox qazanan TOP-7 idmançısı:

1. Floyd Meyvezer – 1,57 mlrd $
2. Mayk Tayson – 1 mlrd $
3. Saul “Kanelo” Alvares – 870 mln $
4. Menni Pakyao – 815 mln $
5. Corc Forman – 740 mln $
6. Oskar de la Xoya – 720 mln $
7. Evander Holifild – 675 mln $

Floyd Meyvezer həm də məğlubiyyətsiz seriyası ilə boks tarixinə adını qızıl hərflərlə yazdırıb.