MOK rəsmiləri “idmançılar kəndi”ndə

XXV qış olimpiya oyunları çərçivəsində Milli olimpiya komitəsinin vitse-prezidenti Çingiz Hüseynzadə, baş katib Azər Əliyev və Azərbaycan qış idman növləri federasiyasının prezidenti Fuad Nağıyev Milanda yerləşən “idmançılar kəndi”ndə olublar.

Rəsmilər “olimpiya kəndi”ndə məskunlaşan nümayəndə heyətinin üzvləri və fiqurlu konkisürən Vladimir Litvintsev ilə görüşüb, yarışlara hazırlıq prosesini müzakirə ediblər. Mövcud şərait müsbət qiymətləndirilib, Azərbaycan komandasına uğurlar arzulanıb.