Oveçkin NHL tarixində ikincidir

“Vaşinqton”un hücumçusu Aleksandr Oveçkin NHL-in müntəzəm mövsümündə “Boston”la matçda (4:3) qol vurub.
Allsport.az xəbər verir ki, rusiyalı üçün bu qol NHL-in altı qurucu komandasına (“Boston”, “Çikaqo”, “Detroyt”, “Monreal”, “Reyncers” və “Toronto”) qarşı karyerasında 225-ci olub.
Oveçkin, 1967-68 mövsümündən (liqanın ilk genişlənməsi zamanı) hər ikisinin 224 qolu olan Ueyn Qretzki və Brayan Bellosu geridə qoyub.
O, hazırda yalnız Brett Halldan (260) geridə qalır.