Oveçkini keçdi

“Toronto”nun xokkeyçisi Oston Matteyus Aleksandr Oveçkinin göstəricisini keçib.

Allsport.az xəbər verir ki, amerikalı idmançı buna “Baffalo”ya 4:0 hesabı ilə qalib gəldikləri NHL-in müntəzəm mövsüm oyununda fərqlənməklə nail olub.

O, NHL-də 400-cü vuruşuna imza atıb. Matteyusa bu rəqəmə çatmaq üçün 628-ci matç lazım olub. Oveçkin bu göstəriciyə 634 görüşdə çatmışdı.

Rekord 436 oyunda 400 vuruş müəllifi olan Ueyn Qretskiyə məxsusdur.