Polad Rzayev ilk reytinq xallarını qazandı

Ötən həftə İtaliyanın Pila şəhərində keçirilmiş FİS paradağ xizəyi turnirində həlledici mərhələni öz kateqoriyasında ikinci olaraq bitirən idmançı ilk reytinq xallarını qazanıb.

Allsport.az xəbər verir ki, qış paralimpiya oyunlarına reytinq xalları qazandıran yarışın əsas mərhələsində iştirak etmiş paralimpiyaçı hesabında beynəlxalq xizək və snoubord federasiyasının (FİS) aprelin 1-nə olan reytinq cədvəlinə görə 725.55 reytinq xalı var.

Polad Rzayev son iştirak etdiyi Fransanın Auron şəhərində keçirilmiş FİS paradağ xizəyi turnirinin həlledici mərhələsini 00:51.57 nəticə ilə 7-ci pillədə bitirib.