Poqba iştirak ərizəsindən çıxarıldı

“Monako”nun yarımmüdafiəçisi Pol Poqba çempionlar liqasının pley-off mərhələsində iştirak etməyəcək.

Allsport.az xəbər verir ki, klub rəhbərliyi 32 yaşlı fransalı futbolçunu turnirin iştirakçı siyahısından çıxarmaq qərarına gəlib.

Buna səbəb oyunçunun səhhətindəki problemlər və bərpa müddətinin qeyri-müəyyən olmasıdır.

2025-ci ilin yayında “Monako”ya transfer olunan Poqba cari mövsümdə cəmi 3 oyunda meydana çıxıb. Hazırda baldır sümüyündən aldığı zədəni sağaltmaqla məşğul olan futbolçunun nə vaxt yaşıl meydanlara qayıdacağı məlum deyil.

“Monako” çempionlar liqasının pley-off mərhələsi çərçivəsində ilk oyununu fevralın 17-də PSJ-yə qarşı keçirəcək.