Püşk yenə güləşçilərimizin üzünə gülmədi

Sabah Tokio-2020-də sərbəstdə 65 və 97, qadın güləşində 50 kq-da mübarizəyə start veriləcək. Allsport.az saytı xəbər verir ki, bu gün həmin çəkilər üzrə püşkatma olub.

Hacı Əliyev (65 kq) 1/8 finalda seneqallı Adama Diatte ilə üz-üzə gələcək. O, əsas iranlı rəqib ilə eyni cərgədə yer alıb.

Şərif Şərifov (97 kq) ilk görüşdə əsas favorit Abdulrəşid Sadullayevlə (Rusiya) tutaşacaq.

Mariya Stadnik (50 kq) startda rusiyalı Stalvira Orşuşa rəqib olacaq. İdmançımız əsas rəqibi, yaponiyalı Yui Susaki ilə eyni tordadır. Bu çəkilərdə mübarizəyə Bakı vaxtı ilə 06:30-da start veriləcək.