Qadın voleybol millimiz Avropa çempionatına hazırlığı başa vurub

Allsport.az saytı xəbər verir ki, komandamız toplanışı keçdiyi Sloveniyada son olaraq Macarıstan yığması ilə bir neçə yoxlama oyunu keçirib.

Tərəflər ilk olaraq dünən qarşılaşıblar. Bu matç fərqli formatda təşkil olunub. Komandalar iki heyətə bölünərək yerdəyişmə əsasında eyni anda fərqli meydanlarda oynayıblar. Bu qarşılaşmaların birində millimiz 3:0 hesabı ilə qələbə qazanıb, digərində isə 2:3 hesabı ilə uduzub.

Bu gün isə Macarıstanla son oyunumuz baş tutub. Bu, həm də yarış öncəsi son yoxlama matçı olub. Görüş millimizin 3:1 hesablı qələbəsi ilə yekunlaşıb.