Qadın voleybol yığmasından ardıcıl 3-cü qələbə

Qadın voleybol millisi Avro-2023-ün təsnifatında növbəti oyununu keçirib.

Allsport.az saytı xəbər verir ki, “D” qrupunda yer alan komandamız bu gün Bakı voleybol mərkəzində Avstriyanı qəbul edib və rəqibə tam üstünlüklə qalib gəlib – 3:0 (25:19, 25:19, 25:13).

Azərbaycan seçməsi xalların sayını 9-a çatdırıb. Eldar Yusubovun komandası sentyabrın 3-də Sloveniya kollektivi ilə üz-üzə gələcək.