“Qarabağ”ın baş məşqçisi: Faiq Qarayevə böyük rəğbətim var

“Bu auditoriyada olmaq mənə çox xoşdur. Bildiyim qədər, gənclər və idman nazirliyinin “Məşqçilərimizi tanıyaq” layihəsinin ilk qonağı Faiq Qarayev olub. Ona böyük hörmətim var”.

Allsport.az saytı xəbər verir ki, bunu dövlət bədən tərbiyəsi və idman akademiyasının akt zalında keçirilən tədbirdə “Qarabağ” klubunun baş məşqçisi Qurban Qurbanov dedi. Onun sözünə görə, məşhur voleybol mütəxəssisi Azərbaycan idmanının adını həmişə dünyada uca edib:

“Faiq Qarayevlə elə də yaxın münasibətim yoxdur. Amma onun gözəl insan, idmanı sevən, dürüst biri kimi tanıyıram. Bu üzdən, ona böyük rəğbətim var. Belə şəxslər cəmiyyətə faydalıdır və gərəklidirlər”.