Qazaxıstan millisi Bakıda finala çıxdı

Bakıda ulu öndər Heydər Əliyevin xatirəsinə həsr olunan ənənəvi beynəlxalq turnirdə ilk finalçı müəyyənləşib.

Allsport.az xəbər verir ki, bu gün “AHF arena”da keçirilən yarımfinal görüşündə Qazaxıstan millisi ilə “Kür” (Azərbaycan) komandası üz-üzə gəlib. İlk hissədən təşəbbüsə yiyələnən Qazaxıstan həndbolçuları 29:17 hesablı qələbə ilə həlledici oyuna vəsiqə qazanıb. Digər finalçının adına OKMK (Özbəkistan) – “Bakı” (Azərbaycan) matçında aydınlıq gətiriləcək.