Qitə çempionatına qələbə ilə başladı

Azərbaycan boksçusu Sübhan Babayev (60 kq) Çex respublikasının Ostrava şəhərində keçirilən U-19 Avropa çempionatına qələbə ilə başlayıb.

Allsport.az xəbər verir ki, 1/8 finalda o, Luka Crnoqoraçı (Xorvatiya) mübarizədən kənarlaşdırıb.

Boksçu rəqibini 3:1 (29:27, 28:27, 29:27, 28:28, 27:29) hesabı ilə məğlub edib.

Babayev 1/4 finalda Simonas Puniskislə (Litva) üz-üzə gələcək. Döyüş oktyabrın 4-də olacaq.

Avropa çempionatına oktyabrın 9-da yekun vurulacaq.