Rüstəm Orucovdan “Böyük dəbilqə”də 3-cü yer və 500 xal

Almaniyanın Düsseldorf şəhərində cüdoçuların “Böyük dəbilqə”si davam edir. Allsport.az saytı xəbər verir ki, dünən uğursuz çıxış edən millimiz bu gün sükutu pozub.

Komandanın liderlərindən olan Rüstəm Orucov (73 kq) 1/4 finala qədər itkisiz irəliləyib. Bu mərhələdə yaponiyalı olimpiya və 4-qat dünya çempionu Ono Syoxeyə yenilən idmançımız, növbəti 2 tutaşmada müvafiq olaraq polşalı və rusiyalı rəqinlərinə qalib gələrək 3-cü yer tutub.  

Qeyd edək ki, “Böyük dəbilqə”də ilk yeri tutan 1000, gümüş mükafatçı 700, 3-ci sıraya çıxanlar 500, 5-ci və 7-ci mövqeyə yiyələnənlər müvafiq olaraq 360, 260 əmsal xalı qazanırlar.