Sübhan Mamedov dünya çempionatında ilk görüşündə qələbə qazanıb

İngiltərənin Liverpul şəhərində boksçular arasında dünya çempionatı davam edir. Allsport.az saytı xəbər verir ki,  yarışın 2-ci günündə Azərbaycan millisinin daha bir idmançısı mərhələ adlayıb.

Sübhan Mamedov (50 kq) 1/16 finalda Fredelin de los Santosla (Dominikan Respublikası) üz-üzə gəlib və rəqibini 4:1 (29:28, 29:28, 29:28, 29:28, 28:29) hesabı ilə məğlub edib.

O, 1/8 finalda Saməd Gümüşlə (Türkiyə) qarşılaşacaq. Döyüş sentyabrın 9-da olacaq.

Öncə Zaur Qəhrəmanovla (65 kq) Səidcəmşid Cəfərov (75 kq) da mərhələ adlayıb.