Xorvatlarla heç-heçə

19 yaşadək futzalçılardan ibarət Azərbaycan yığma komandası Avropa çempionatının əsas mərhələsində ikinci oyununu keçirib.

Allsport.az xəbər verir ki, 7-ci qrupda yer alan U-19 Xorvatiyanın Omiş şəhərində yerli komanda ilə qarşılaşıb. Ribnjak idman sarayında təşkil olunan görüş 3:3 hesablı heç-heçə yekunlaşıb. Millinin heyətində qolları Fariz Hüseynov (7-ci dəqiqə) və Ədalət Ələkbərov (17, 40) vurublar.

Milli qrupda son matçını martın 29-da Türkiyə yığmasına qarşı keçirəcək.