Yüksək liqada növbəti oyunların vaxtı

Kişi voleybolçular arasında yüksək liqada növbəti görüşlərin başlama yeri və vaxtı dəqiqləşib. Allsport.az xəbər verir ki, I dövrə çərçivəsində keçiriləcək matçlar fevralın 15-də Bakıda təşkil olunacaq.

Günün ilk qarşılaşmasında “Azərreyl” və “Xilasedici” klubları üz-üzə gələcəklər. Qarşılaşma saat 14:00-da başlayacaq. Bu matçdan 2 saat sonra MOİK “Sərhədçi”ni sınağa çəkəcək.

Hər iki görüş FHN-nin idman-sağlamlıq kompleksində oynanılacaq.