Əbu-Dabi “Böyük dəbilqə”sində uğursuzluq – ən yaxşı nəticə 7-ci yer

Əbu-Dabidə “Böyük dəbilqə” turniri Azərbaycan cüdoçuları üçün bu gün erkən başa çatıb. Allsport.az saytı xəbər verir ki, Fransada keçirilmiş eyni yarışdan fərqli, Rio-2016-ya lisenziya xalları verən bu mübarizədə bizdən heç bir idmançı mükafatçılar sırasına düşə bilməyib. Ən yaxşı nəticəmiz, dünya çempionu Elxan Məmmədovun (100 kq) 7-ci yer tutmasıdır.

Rəqabətin 3-cü, son günündə Ramin Qurbanov (90 kq), Elmar Qasımov (100 kq) və Uşangi Kokauri (+100 kq) erkən uduzublar. «Böyük dəbilqə»də ilk 7 yeri tutanlar müvafiq olaraq 500, 300, 200, 100, 80 xal qazanıblar.