Ən yüksək dərəcəli hakimimiz FİG tərəfindən mükafatlandırılıb

İdman gimnastikası üzrə beynəlxalq dərəcəli hakim Rza Əliyev “Uzun müddətli fərqlənən hakimlik” fəaliyyətinə görə FİG tərəfindən təltif olunub. Allsport.az saytı xəbər verir ki, hakimimizə “qızıl diplom” hazırda Almaniyanın Ştutqart şəhərində 49-cu dünya çempionatındatəqdim olunub.

Bu diplom 16 il (4 olimpiya dövrü) ərzində olimpiya oyunları, dünya çempionatı, yeniyetmələrin olimpiya oyunları, ümumdünya yaş qrupu yarışlarında qüsursuz fəaliyyətə görə verilir.

Xatırladaq ki, həmyerlimiz Azərbaycanın gimnastika tarixində ilk dəfə olaraq, kişi idman gimnastikası üzrə ən yüksək, 1-ci dərəcəli beynəlxalq hakimlik kateqoriyasına malikdir.