Əsas milli komandamız ACF kubokuna yiyələnib

Şağan Olimpiya İdman Kompleksində ACF kuboku keçirilib. Allsport.az saytı xəbər verir ki, yarışda Azərbaycan, Rusiya və Gürcüstan milliləri iştirak ediblər. Turnirin qaydasına əsasən, 4 kollektiv – Azərbaycan – 1, Azərbaycan – 2, Rusiya və Gürcüstan cüdoçuları kubok uğrunda mübarizə aparıblar.

Azərbaycan-1-də millimizin əsas heyətində çıxış edən, Azərbaycan-2-də isə ehtiyat heyətində olanlar çıxış ediblər. Maraqlı və gərgin idman mübarizəsi şəraitindən keçən turnirdə Azərbaycan-1 qalib, Gürcüstan 2-ci və Rusiya komandaları 3-cü olublar.