10 ildən sonra Azərbaycan finalı ilə 2-ci qızıl

Avqustun 23-də Xorvatiyanın paytaxtı Zaqrebdə dünya çempionatının ilk günündə cüdoçularımız 1 dəst medal qazanıblar. Allsport.az saytı xəbər verir ki, Azərbaycanın yeniyetmələrdən ibarət millisi son 10 ildə ilk qızıl medala yiyələnib (yalnız 2013-cü ildə Natiq Qurbanlı yeniyetmələr arasında dünya çempionu titulunu qazanıb).

Oğlanlar arasında 50 kq-da Məhəmməd Məmişov və Nihad Məmişov bütün rəqiblərini geridə qoyaraq, finalda üz-üzə gəliblər. Görüşün nəticəsində adı 2-ci çəkilən təmsilçimiz fəxri kürsünün ən yüksək pilləsinə qalxıb.

55 kq-da Mirxaliq İskəndərov 3-cü yer uğrunda tutaşmada fransalı Adrian Mivovana aman verməyib. 23-26 avqustda fərdi, ayın 27-sində komanda yarışı olacaq.