2018-ci ildə cüdo üzrə dünya çempionatı Azərbaycan paytaxtında keçiriləcək

2018-ci ildə cüdo üzrə dünya çempionatı ölkəmizdə keçiriləcək. Allsport.az saytının xəbərinə görə, bu barədə IJF-in Rioda təşkil olunan toplanrtısında qərar verilib. Beynəlxalq Cüdo Federasiyasının prezidenti Marius Vizer açıqlamasında bildirib ki, Bakının böyük yarışlar təşkil etmək təcrübəsi var, Azərbaycan paytaxtı bunu 1-ci Avropa oyunlarını keçirməklə sübut edib. Üstəlik, «Böyük dəbilqə» Azərbaycan paytaxtında yüksək səviyyədə təşkil olunur.