278 cüdoçu medal uğrunda mübarizə aparacaq

Azərbaycan cüdo federasiyası kişi cüdoçular arasında rəqabət səviyyəsinin yüksəldilməsi, onların ustalığının və yarış təcrübəsinin artırılması məqsədilə yeni ACF turuna start verir.

Allsport.az xəbər verir ki, növbəti belə yarış martın 6-da baş tutacaq. Turnirdə 40 klub və idman cəmiyyətindən olan 278 cüdoçu 7 çəki dərəcəsində medallar uğrunda mübarizə aparacaq.

Cari ildə üç belə turnirin keçirilməsi planlaşdırılır. Bu yarışlar nəticəsində idmançıların reytinq siyahısı formalaşacaq.