Aerobika üzrə ölkə birinciliyi

Noyabrın 1-2-də aerobika gimnastikası üzrə 8-ci ölkə birinciliyi, Bakı çempionatı və paytaxt birinciliyi keçiriləcək.

Allsport.az xəbər verir ki, yarışlar Heydər Əliyev adına idman-konsert kompleksində təşkil olunacaq.

Turnirdə “Ocaq sport” klubu və Sumqayıt olimpiya idman kompleksindən 76 gimnast medallar uğrunda mübarizə aparacaq.

İdmançılar uşaqlar (2013-2015), yeniyetmələr (2009-2011-ci il) və gənclər (2006-2008-ci il) yaş kateqoriyalarına uyğun olaraq fərdi və üçlük proqramda çıxış edəcəklər.