Almatı qran-prisinin son günündə cüdoçularımız 1 dəst medal qazandı

Qazaxıstanın Almatı şəhərində keçirilən dünya cudo turunun 3-cü günündə millimizin üzvləri uğurlu çıxış ediblər. Allsport.az saytımım məlumatına görə, Xəzərin o tayına 2-ci heyətlə yollanan komandamızın əsas ümidi bu gün tatamiyə çıxan “bir nömrəlilər”imiz idi. Sevindiricidir ki, onların hər 3-ü ümidləri doğruldub.

Bütün görüşlərini qələbə ilə başa vuran ilk və hələlik yeganə dünya çempionumuz Elxan Məmmədov (100 kq) qızıl medal qazanıb. yalnız finalda uduzan Uşangi Kokauru (+100 kq) 2-ci olub.

Rio-2016-ya vəsiqəni əməli olaraq təmin edən Məmmmədəli Mehdiyevə (90 kq) bu yarışda bürünc mükafat reytinqdə mövqeyini bir qədər də möhkəmləndirmiş olub.