Azərbaycan cüdo federasiyasının uğurları İJF-də

Beynəlxalq cüdo federasiyasının (İJF) saytında “Azərbaycan cüdo federasiyası 2023-cü ildə əldə etdiyi nailiyyətləri qeyd edir” başlıqlı məqalə dərc olunub.

Allsport.az xəbər verir ki, məqalədə ACF-ni “ilin ən yaxşı idman federasiyası” nominasiyasında 2-ci yeri təmin etməklə yanaşı, müxtəlif kateqoriyalarda cüdo ailəsinin üzvlərinin fərqlənməsi vurğulanıb.

Bundan əlavə, saytda “qızlara ağ yaraşır” kampaniyasının həm milli olimpiya komitəsi, həm də gənclər və idman nazirliyi tərəfindən yüksək qiymətləndirilməsi və bir sıra beynəlxalq mükafatlara layiq görülməsi işıqlandırılıb.