Azərbaycan cüdoçuları ilk dəfə Avropa kata çempionatında iştirak edəcək

Allpsort.az xəbər verir ki, Azərbaycan cüdoçuları ilk dəfə 12-13 iyunda Sloveniyanın Podçetrtek şəhərində böyüklər arasında Avropa kata çempionatında iştirak edəcək.

21 ölkədən 300-ə yaxın idmançının iştirak edəcəyi yarışda Azərbaycan 6 idmançı ilə təmsil olunacaq. Cüdoçularımız “Nage-no-Kata” və “Katame-no-Kata” üzrə fəndləri nümayiş etdirəcək.

Cüdoçularımız yarışa hazırlaşmaq üçün Türkiyənin paytaxtı Ankarada və Xorvatiyanın Riyeka şəhərlərində təşkil olunan təlim-məşq toplanışlarında iştirak ediblər.

Kata çempionatının ilkin yarışları 12 iyunda başlayacaq, finallar isə 13 iyunda keçiriləcək. 14 iyunda Podçetrtek şəhərində Kodokan seminarı baş tutacaq.

Nage-no-Kata

Malik Alahverdiyev – tori (hücum edən idmançı)
Samir İsmayılov – uke (hücum edilən idmançı)

İsmayıl Rzayev – tori
İbrahim Aslanov – uke

Katame-no-Kata

Rafiq Nəcəfov – tori
Əmrah Əhmədov – uke