Azərbaycan gimnastları Monteneqroda 6 medal qazanıb

Monteneqronın Budva şəhərində bədii gimnastika üzrə beynəlxalq turniri keçirilib. Allsport.az saytı xəbər verir ki, yarışda uşaqlar, yeniyetmələr və böyüklər kateqoriyası üzrə 10 ölkəni təmsil edən 113 gimnast iştirak edib. İOEUGGM-in təmsilçiləri bu sınaqda uğurlu nəticə göstəriblər.

Fərdi hərəkətlərdə Amina Novruzova, Dərya Məmmədova, Zəhra Həsənzadə və Səidə Əliyeva qızıl, Aylin Ocaqi topla hərəkətlərdə qızıl, çoxnövçülükdə isə bürünc medal qazanıblar.

Ən kiçik yaş kateqoriyasında çıxış edən Lalə Novruzova 5-ci yerdə qərarlaşıb.