Azərbaycan gimnastları olimpiadada Avropaya kömək edəcək

Avropa gimnastikası Paris-2024 yay olimpiya oyunlarında qitəni təmsil edəcək idmançıların tam siyahısını dərc edib.

Allsport.az xəbər verir ki, Tokioda keçirilən yay oyunlarında olduğu kimi, Azərbaycan Fransa paytaxtında da həm fərdi, həm də qrup yarışlarında təmsil olunacaq.

Dördilliyin əsas startında fərdi proqramda Zöhrə Ağamirova, həmçinin Zeynəb Hümmətova, Yelizaveta Luzan, Darya Sorokina, Güllü Ağalarzadə və Ləman Əlimuradovadan ibarət qrup komandamız çıxış edəcək.

Fərdi yarışda Avropanı 16 gimnast, qrup yarışlarında isə səkkiz komanda təmsil edəcək.