Azərbaycan gimnastlarından uğurlu nəticə

Yunanıstanın Saloniki şəhərində keçirilən qadın idman gimnastikası üzrə “Horizon cup” beynəlxalq yarışının fərdi proqramında idmançılarımız yüksək nəticələr göstəriblər.

Allsport.az xəbər verir ki, Leyla Məmmədzadə çoxnövçülük və sərbəst hərəkətlərdə qızıl medal qazanıb. Dəniz Əliyeva çoxnövçülük və gimnastika tiri üzrə yarışlarda qızıl, sərbəst hərəkətlərdə isə bürünc medala sahib olub. Aynaz Məcidzadə gimnastika tiri üzrə qızıl, çoxnövçülük və sərbəst hərəkətlərdə gümüş medala yiyələnib. Digər idmançımız Aytən Məmmədova isə sərbəst hərəkətlərdə qızıl, çoxnövçülükdə isə bürünc medal əldə edib.