Bakıda lisenziya xarakterli turnir

Aprelin 24-26-da Bakıda təşkil ediləcək dünya kubokunda iştirak edəcək ölkələrin ilkin qeydiyyat siyahısı yaxın günlərdə bəlli olacaq.

Allsport.az xəbər verir ki, kubokun iştirakçıları olimpiadaya vəsiqə qazanmaq şansı əldə edəcəklər. Turnirdə Tokio 2020-yə lisenziyasız qalan gimnastlar bu yarışlarda güclərini bir daha sınayacaqlar.

Yarışın ilk 2 günü təsnifat mərhələləri baş tutacaq və çoxnövçülükdə ən yüksək xal toplamış 8 fərdi gimnast, qrup komandaları final mərhələsinə adlayacaq. Yarışın sonuncu günü isə həlledici final mərhələsinin qalibləri müəyyənləşəcək.