Batut və tamblinq üzrə ölkə birinciliyi və Bakı çempionatı

Fevralın 24-də Milli gimnastika arenasında batut üzrə 7-ci, tamblinq üzrə 19-cu Azərbaycan birinciliyi və Bakı çempionatı keçiriləcək. Allsport.az saytı xəbər verir ki, yarışlarda 94 idmançı (batut – 62, tamblinq – 32) mübarizə aparacaq.

Yarışlarda “Ocaq Sport” klubu, Bakı gimnastika məktəbi, “Neftçi İdman Klubu”, 13 nömrəli ixtisaslaşdırılmış olimpiya ehtiyatları uşaq-gənclər idman məktəbindən fərdi proqramda balacalar (2016-2017-ci illər), uşaqlar (2013-2015-ci illər), yeniyetmələr (2011-2012-ci illər), gənclər (2007-2010-cu illər) və böyüklər (2006-cı il və daha böyük) yaş kateqoriyaları üzrə çıxış edəcəklər.