Bolinya: “Qələbə komandada ruh yüksəkliyi yaradıb”

Avropa çempionatının seçmə qrup mərhələsi çərçivəsində Slovakiya yığması ilə qarşılaşan futzal millimiz 4:1 hesablı qələbə qazanıb. Allsport.az xəbər verir ki, oyunda hesabı açan və qələbədə pay sahibi olan Bolinya görüşlə bağlı açıqlama verib.

O, ilk oyunun çətin keçəcəyini gözlədiklərini vurğulayıb: “Qələbə münasibəti ilə komandamızı təbrik edirən. Çox çətin oyun oldu. Əslində belə olacağını da gözləyirdik. Çünki ilk matçlar hər zaman çətin keçir. Həm də rəqibimiz yaxşı komandadır”.

Bolinya fevralın 2-də Yunanıstanla keçiriləcək oyuna da toxunub: “Yunanıstanla oyunumuz da çətin keçəcək. Çünki doğma meydanda oynamayacağıq. Amma qazandığımız qələbə komandada ruh yüksəkliyi yaradıb”.