“Böyük dəbilqə”nin 2-ci günündə 2 cüdoçumuz sensasiya edib

Bakıda ümummilli lider Heydər Əliyevin xatirəsinə cüdoçuların “Böyük dəbilqə” turniri davam edir. Allsport.az saytı xəbər verir ki, yarışın ikinci günü Azərbaycan milli komandası üçün uğurlu olub. Millimizin hesabına 1 qızıl və 2 bürünc medal yazdırıb.

81 kq-da əsas yığmaya son dövrdə qoşulan Rüfət İsmayılov sensasiya edib, bütün rəqiblərinə qalib gələrək, 1-ci yer tutub. Parisdə yeni yarışda 5-ci olan Rüstəm Orucov (73 kq) bu dəfə fəxri kürsünün 3-cü pilləsinə çıxıb. Yeni nəticəni qadınlarda Xanım Hüseynova (63 kq) göstərib.

Xatırladaq ki, mötəbər yarışın ilk günündə Orxan Səfərov (60 kq) millimizə bürünc medal qazandırıb.