“Böyük dəbilqə”nin püşkatması keçirilib

Bu gün “Hyatt Regency” mehmanxanasının “Quba” zalında Heydər Əliyev xatirəsinə cüdo üzrə “Böyük dəbilqə”nin püşkatma mərasimi keçirilib. Allsport.az saytı xəbər verir ki, tədbirdə beynəlxalq və Azərbaycan cüdo federasiyalarının rəsmiləri iştirak ediblər.

Bu yarış 10-12 martda ümummilli liderin adını daşıyan idman kompleksində keçiriləcək. Açılış mərasimi sabah saat 16:00-da, final görüşləri 17:00-da baş tutacaq. “Böyük dəbilqə”də ilk 3 yeri tutanlar müvafiq olaraq, 1000, 700, 5 00, 5-ci pillənin sahibləri 360, 7-ci sırada qərarlaşanlar 260 əmsal xalı qazanırlar.