“Böyük dəbilqə”nin son günündə 2 gümüş və 1 bürünc medal qazandıq

Bakıda ümummilli lider Heydər Əliyevin xatirəsinə cüdoçuların “Böyük dəbilqə” turniri başa çatıb. Allsport.az saytı xəbər verir ki, yarışın 3-cü günündə də millimiz medal qazanıb.

90 kq-da çıxış edən Məmmədəli Mehdiyev yalnız finalda uduzub. Bu çəkidə mübarizə aparan digər təmsilçilərimiz Abdulhaqq Rəsullu və Tural Safquluyev 5-ci olublar.

100 kq-da Elmar Qasımov da həlledici tutaşmada yenilib. Bu çəkidə digər öncül cüdoşumuz Elxan Məmmədov 3-cü yerə çıxıb. Uşangi Kokauru (+100 kq) və Zelim Kotsoyev 5-ci yerə çıxıb.

Xatırladaq ki, ötən günlərdə Rüfət İsmayılov (81 kq) qızıl, Orxan Səfərov (60 kq), Rüstəm Orucov (73 kq) və Xanım Hüseynova (63 kq) bürünc medala yiyələniblər. “Böyük dəbilqə”də ilk 3 yeri tutanlar müvafiq olaraq, 1000, 700, 5 00, 5-ci pillənin sahibləri 360, 7-ci sırada qərarlaşanlar 260 əmsal xalı qazanıblar.