Cüdo millimiz finalda Fransanı yenib Avropa çempionu oldu

25 iyunda Portuqaliyanın Odivelas şəhərində yeniyetmələrin Avropa çempionatının qarışıq komanda yarışında millimiz ilk görüşdə Niderlandı 4:1, 2-ci görüşdə Almaniyanı 4:2 və yarımfinalda İtaliya yığmasını 4:2 hesabı ilə məğlub edib.

Cüdoçularımızın final görüşündə rəqibi Fransa komandası olub. İdmançılarımız Fransa yığmasına 4:3 hesabı ilə qalib gələrək yarışın qızıl medallarını və kubokunu qazanıblar.

Bu, Avropa çempionatlarının komanda yarışlarında qazandığımız ilk qızıl medaldır.

Millimiz fərdi yarışlarda 6 qızıl və 3 bürünc medal olmaqla 9 medal qazanıb və medal əyarına görə ümumi hesabda və oğlanlar arasında 1-ci yeri, qızlar arasında isə 4-cü yer tutub.