DÇ-2027 Bakıda olacaq

Allsport.az xəbər verir ki, 2027-ci il 15-19 sentyabr tarixlərində Azərbaycanın paytaxtı Bakı bədii gimnastika üzrə dünya çempionatına ev sahibliyi edəcək.

Bu barədə qərar mayın 14-ü və 15-də Türkiyənin Antalya şəhərində keçirilən beynəlxalq gimnastika federasiyasının şurasının iclasında səsvermə yolu ilə qəbul edilib.

Yarışı təşkil etmək üçün Azərbaycanla yanaşı, İsrail də namizədliyini irəli sürmüşdü.
Bu, ölkəmizin bədii gimnastika üzrə təşkil edəcəyi 3-cü dünya çempionatı olacaq.

Paytaxtımız 2005 və 2019-cu illərdə də bədii gimnastika üzrə dünya çempionatına ev sahibliyi edib.