Dünya birinciliyinə yollanacaq gənc cüdoçular məlumdur

Xəbər verdiyimiz kimi, 23-27 oktyabrda Dohada gənc cüdoçular arasında dünya birinciliyi keçiriləcək. Allsport.az saytı xəbər verir ki, artıq Qətər paytaxtına yollanacaq heyət bəllidir.

Milli komandamızın tərkibinə Natiq Qurbanlı, Sadıq Məhərrəmov (hər ikisi – 55 kq), Elbrus Zamanov, Davud Məmmədov (60 kq), Hidayət Heydərov (66 kq), Hüseyn Rəhimli (73 kq), Rüfət İsmayılov (81 kq), Firudin Dadaşov, Vasif Şərbətli (90 kq) vəi Cəlil Şukürov (100 kq) daxildirlər.

Qızların mübarizəsində bizdən Leyla Əliyeva (48 kq) ilə Səkina Zairova (52 kq) çıxış edəcəklər.