Dünya çempionatlarında siftə!

Bolqarıstanın paytaxtı Sofiyada bədii gimnastika üzrə dünya çempionatı başa çatıb. Allsport.az saytı xəbər verir ki, qrup hərəkətləri komandamız tarixində ilk dəfə fəxri kürsüyə çıxıb.

Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan və Darya Sorokinadan ibarət kollektiv 3 lent və 2 topla hərəkətlərdə 30.750 xal qazanaraq, yekunda bürünc medal qazanıb.