Fərid Qayıbov Avropa Gimnastika İttifaqının prezidenti seçilib

Xorvatiyanın Split şəhərində Avropa Gimnastika İttifaqının 27-ci konqresi keçirilib. Allsport.az saytı xəbər verir ki, toplantı çərçivəsində prezident seçkiləri olub.

Nəticədə, bu yerə talib Fərid Qayıbov 28 səs toplayaraq qalib gəlib. Azərbaycan Gimnastika Federasiyasının baş katibi 20 səs toplamış sloveniyalı rəqibini geridə qoyub.

Qeyd edək ki, 2009-cu ildən quruma fransalı Jorj Gelzek rəhbərlik edib. Bu hadisə ölkə olimpiya idman növlərində ilk olub.