Gənc cüdoçularımız Avropa birinciliyi ərəfəsində

Sentyabrın 16-18-də İspaniyanın Malaqa şəhərində gənc cüdoçular arasında Avropa birinciliyi keçiriləcək. Allsport.az saytı xəbər verir ki, fərdi və komanda şəklində keçiriləcək yarışda millimiz də təmsil olunacaq.

Hal-hazırda  komandamız Bakıda baş məşqçi Rəşad Məmmədovun rəhbərliyi ilə təlim-məşq toplanışında iştirak edir. 43 ölkədən 409 idmançının (225 oğlan, 184 qız) qatılacağı Avropa çempionatında bizdən 14 cüdoçu (10 oğlan, 4 qız) mübarizə aparacaq.