Gənc cüdoçularımız qitə kubokunu 8 mükafatla bitirib

Çex Respublikasının paytaxtı Praqa şəhərində gənc cüdoçular arasında Avropa kubokuna yekun vurulub. Allsport.az saytı xəbər verir ki, yarışın sonuncu günü də Azərbaycan millisi üçün uğurlu olub; komandamız 3 medal qazanıb.

Bizdən Aslan Mirzəyev (90 kq) gümüş, Rüfət İsmayılov (81 kq) və Azər Yaqubov (60 kq) bürünc medala yiyələniblər. Bununla da, gənc cüdoçularımız bu yarışı 8 mükafatla (1 qızıl, 3 gümüş və 4 bürünc) başa vurublar.

35 ölkədən 391 idmançının (250 oğlan, 141 qız) mübarizə apardığı Avropa kubokunda Azərbaycan 17 nəfərlə (15 kişi, 2 qadın) ilə təmsil olunub.